كتبت:أميرة خالد احتفل الفنان خالد سليم بتخريج ابنته الكبرى نور عبر صفحته الشخصية على موقع إنستجرام. وعبر صفحته على إنستجرام نشر صورة له بصحبة ابنته من حفل تخرجها وعلق قائلًا : «النهاردة.. كان يوم مميز جدا ليا.. اختلطت مشاعري بشكل غريب.. بشكل عمره ما حصلي في حياتي كلها.. رغم إني ممكن في ألبوم واحد أغني أكتر من حالة ومشاعري تكون مختلفة مع كل لحن.. أو إني أدخل في فيلم أو مسلسل والشخصية يكون فيها اختلاف في المشاعر في كل مرحلة.. بس الحقيقة النهاردة أنا عشت 4 ساعات مليانين سعادة وخوف وفخر ودموع ومحبة وشجن». وتابع: «حفلة تخرج بنتي الكبيرة نور.. كنت سعيد إنها وصلت للمرحلة دي بكل نجاح.. وكنت خايف عليها طول ما أنا شايفها بتتحرك قدامي.. وفخور بيها وبمحبة الكل ليها وشخصيتها الحلوة.. ودموعي والمحبة والشجن كانوا بسبب الحالة اللي كل الطلبة والمدرسين والعاملين في المدرسة كانوا فيها.. إن الدفعة دي هيمشوا ويسيبوا المدرسة ويبدأوا مرحلة جديدة». واختتم كلامه قائلًا :«ألف مبروك يا نور على النجاح والتفوق والتخرج.. واعرفي إني دايمًا فخور بيكي يا حب عمري».   [video width="720" height="900" mp4="https://highmusicmagazine.com/wp-content/uploads/2023/06/khaledselimofficial_351120113_193941926939618_6368879792548259119_n.mp4"][/video]